فرقه حسب الله هي فرقه مصريه قديمه... نظام مش حالك او بمعنى اصح فرقه مزعجه تفتر بالشوارع كعب داير تزعج الناس...طبعا في من الناس المؤدبين اللي يعطون الفرقه مبلغ رمزي علشان يفتكون من ازعاجهم...وفي الغير مؤدبين الي يحذفونهم من البلكونه اما بطماط خايس...او بيض... او اعزكم الله ممكن توصل لتحذف جواتي علشان يفتكون من نشازهم وصوتهم المزعج ...واشكالهم الأنتيك...مشكله فرقه حسب الله انهم مايستحون يعني اللي يعطيهم فلوس ويحشمهم يزعجونه اما اللي يحذف عليهم الطماط والبيض فيحطونه على روسهم...ولنا بهذه الفرقه مثل...ففرقه حسب الله اليوم غير فرقه حسب الله الأمس ففرقه اليوم تتقبل وبصدر رحب من ينعتها بالمرتشين والمدفوعي الأجر...لا... وفوق هذا تتقبله وتدافع عنه وتقول يبا شفيكم موصج الرجال غشمرجي وكان يتغشمر باللقاء موصج...ملقف علطول صدقتوا كانت دقه لا اكثر ولا اقل...اما زميلهم النائب اللي دافع عن شرف المهنه وزملائه اللي يمثلون الشعب الي لو كانو مرتشين فالشعب كله مرتشي وعلى قوله الوزير...او حسبه الوزير فجميعنا مرتشين ومدفوعي الأجر... ومانتبقط بعد...
فرقه حسب الله لها هاليومين شنه ورنه ومسببه ازعاج وماخلت آله موسيقيه الا واستعملتها ضد مسلم البراك والتكتل الشعبي... اما انا اقول سر يابو حمود لاكبا فرسك...وأن غدا لناظره قريب...فمجموعه الدمبكجيه بنحاسبهم حساب شديد يوم يردون للشارع وقتها بيعرفون ان بالبلد رجال لاتنسى مافعلوا وما قالوا ولا ينضحك على ذقونهم
سواء كان سنوب دوق السماوه...ولا البعير...ولا يكيكي...الأيام جايه ويصير خير
عموما انا قررت وبما اني مواطن كويتي ولي كامل حريتي التي كفلها لي الدستور فقد قررت...اني انعت هالنواب بالمرتشين...لأنهم ماقالو شي للوزير...والوزير مو احسن مني اثنينا سواسيه امام القانون واذا اهو كان يتغشمر...حتى انا دمي خفيف...لذا قررت اني اناديهم المرتشين والمأجورين
وكفا المؤمنين شر القتال
عموما دام الجو موسيقي كوميدي...مرتشي الهوا...طرى على بالي شاعر جاهلي ولأني عاشق للشعر الجاهلي بحطلكم هالقصيده اللي كتبت قبل نصف قرن من الهجره ...وكي تعرفو ان مشاكل العرب سابقا ولاحقا لاتتغير فالسبب واحد ...ودام عرفنا السبب بطل العجب
مع تمنياتي لكم بويك اند جميل لايسمع في نعيق مؤجور او مرتشي
هناك تعليقان (2):
لووول اول مرة اسمع عن هالفرقة صراحة بس كسروا خا6ري على الاقل سووا شي ياخذون فيه رزقهم ماراحوا باقوا
وجهه نظر :)
إرسال تعليق