سوبر مان هو شخصيه خياليه...ذات أبعاد انسانيه...فمن منا لايعرف قصه سوبر مان الذي ينقذ الناس من الأشرار ومن المخاطر...سوبر مان ذو القوه الخارقه...ومن قواه الخارقه الطيران بسرعه الصوت ولمح البصر...ومن قواه الخارقه أشياء كثيره لاتعد ولاتحصى...واذكر وانا صغير كنت اقلد سوبر مان وقفزت من فوق الكبت على السرير كي اطير لكني صحيت وانا بحضن امي وهي تضع على رأسي قهوه مطحونه وتربط راسي بغتره...وبعدها اكتشف ان هالسوبر مان جذاب وماعنده ماعند جدي...وبعد مرور اكثر من عشرين عام على حادثه بط الراس والطب الشعبي...اكتشف ان ماعندي سالفه...فسوبر مان موجود...وبغتره وعقال بعد!!...لا ويطلع بالتلفزيون كل يوم مع الناس...هالسوبر مطاط اقصد مان ...صارله اربع ايام واهو يقاتل لينقذ الحكومه... من خالد الفضاله...ومن كل أعضاء مجلس الأمه...فالأخ مطاط وبعد انطفاء نار الفتنه...وبعد الكلمه الساميه من الأمير ومحاسبه المتسببين بالفتنه...طلعلنا بقناه اخته... اخت المطاط اقصد الرجال...وهات ياكلام...وهات ياتشيش...وهات هات هات...طبعا الأخيره مولنا للي يدفع اكثر...انا بعرف بس هالسوبر مان شيبي بالضبط اهو مع اخته...وليش وزاره الأعلام ساكته عنهم...الفتنه طفت نارها... واهم قاعدين يحرثون الرماد بيشبونها من جديد... الفتنه نائمه لعن الله من اوقضها...
سوبر مان الماضي كان كشخه وبطل...وسوبر مان اليوم كشه وعمى وماعنده ماعند جدتي...
وصلني ايميل من اخ عزيز وفيه فيديو من عمل شاب كويتي اسمه عبدالعزيز عبدالله ...نشكر له هذا المجهود الجبار لأنجاز هذا العمل...والشكر موصول للصديق" فالح المطيري" على هالأيميل اللي يبرد الجبد
صدق سمو الأمير الراحل الشيخ جابر الأحمد الصباح طيب الله ثراه
الكويت أصل وأنضمتها فروع...أحرصوا على الأصل تسلم لكم الفروع وتثمر
هناك 7 تعليقات:
سلام
اللي يبيعك طقه بالطوف قبل لاتبيعه!
اكمالا على التعليق الاول ...احس صرنا طراريين هالايام ونقولهم عيب يايبا ترانا اخوان واهل ونسايب وجيران وقومه وقعده من عمر يطلعون لك هذه حرية راى! وياكثرهم هالايام
وارجوا ان تكون فهمت القصد
العزيز مسمار
صدقت بكل ماقلت...لكن محنا طرارين بس مشكلتنا مؤدبين زياده عن اللزوم واغلبنا عاطفيين ينسون كل شي ويسامحون بسهوله
لكن صدق المثل اللي قال ..لي ريشت النمله دنا زوالها..
وزوالهم قريب حييييل
شكرا لمرورك
احلى شي لما هاجم السعدون بتجمع العقيله
و قال احنا ما عندنا رموز الا الامير و ولي العهد اشلون يسمون الرمز
مالت على البامية يالطرمبة
مو قناتكم اهي اللي سمت السعدون رمز الشعب
و تحديدا لما سقط السعدون المجلس على ظهره
و منافقكم بو عيده قاعد هناك يحبب راسه و راس كل واحد يدش
هلا بالحبيب
شهالساعه المباركه
بو وليد عندنا...ياهلا او مسهلا
اهو ومعزبته وشله الدمبكجيه نفس مكينه البيبسي اتحط فيها فلوس تعطيك تبي بيبسي تبي سفن تبي شاني المهم تدفع بس
بس انا اللي قاهرني هالمسجات ابي مسج واحد يخالفهم بالراي مالقيت؟؟؟ يالمسجات مكتوبه منهم ويبون يسوون زحمه والشارع فاضي يا انهم مايعرضون اي مسج يخالفهم
واللي يقهر اكثر انه يهدد وزير الداخليه يقوله ترى التصوير موجود اذا تبي نعرضه يعني اشكره كاسرين عينه
نشكر طلتك البهيه...
وبشرنا عسى الهيئه صرفولك دعم مزارعين الفسبكه؟؟؟
للتوضيح: وزير الأعلام مو الداخليه
نأسف لهذه الغلطه المطبعيه :)
سوبر مطاطا علی الاخير
إرسال تعليق