السبت، 19 ديسمبر 2009

محشوم يابوحمود

محشوم يابوحمود...لك الحشمه والتقدير هذا زمان الرويبضه...هذا زمان الأذناب...فقد نسوا مسلم دوواوين الأثنين...نسوا مسلم النقابي...نسوا مسلم العضو بمجلس الأمه...نسوا مسلم المشرع المراقب اللذي لايخاف بالله لومه لائم...وبدوو عليك قهوجي مطير...
ماعليه يابوحمود هذا زمان يعزون فيه صباب القهوه على الرجال...هذا زمان يرزون فيه بياع الخمر على الشرفاء...لكن ان كانوا ضدك وهاجموك بأحد كلابهم فيكفيك فخرا خلال ثلاث ساعات تجمع خمسه آلاف شخص لينصرك....يكفيك فخرا انك رجل بزمان...ندر به الرجال....لكن الوعد جدام...وإن لغدا لناظره قريب... ويالجويهل ماراح اتعب نفسي معاك...لكن اقول للي وراك ادهنو ظهورك هذا وقت الفعايل وانا ادري ماوراكم فعايل ولا فيكم طب...الوعد الأثنين يكفيك فخرا هذه الحشود


سمو الرئيس قص الحق من نفسك





هناك 8 تعليقات:

enter-q8 يقول...

محشوم والله ياخي شفت اختلاف شفت خصومة شفت فجر بالخصومة لكن ما عمري شفت انحطاط و قذارة لهالدرجه

kuwaiti_cool يقول...

العزيز انتر

آسف لأنك كنت على حق وانا اختلفت معاك

اغتريت وقلت الرجال فيه خير

لكن كل كلمه انت قلتها اطلعت بمكانها

وانا طلعت غلطان بتحليلي

لكن

عقب هالمصخره لازم ناخذ موقف
مع هالرويبضه واللي يحمونهم

والوعد جدام

خالف تعرف يقول...

يسلم راسك عالبوست

وخاصة الصورة الاخيره

kuwaiti_cool يقول...

خالف تعرف

او راسك

العبره بالفرق بين الصورتين

والصوره الأخيره

عين بغزي يقول...

مشكلة المشاكل عندما يحاولون جرنا إلى الهاوية :)

أبوحمود و سائر افراد قبيلتي مطير معروفين ولا يحتاج احرف اسطرها امتدحهم بها

kuwaiti_cool يقول...

العزيز عين بغزي

هذا اللي هم يبونه ولا تتوقع هالإمعه جاي من كيفه لا طبعا

كويــتي لايــعه كبــده يقول...

المقارنة غير عادلة

البراك معلم من خير معالم السياسة الكويتية وأشد مراقبيها ومن أقدمهم ومحاولات الإطاحة به قديمة ومستمرة وفاشله الى أكبر الحدود وبالرغم منها يكسب الأرقام القياسية من الأصوات التي لم ينالها نائب في تاريخ الكويت

والقلاف شخص مسخرة غير سوي ولنا بتوعده بالدعوة على أهالي الرميثية عند جدته (يخسي) يوم القيامة حين خسر بالإنتخابات في منطقتهم. عضو برلمان (يحاول) يحيي مسيرة الى المنزل الشخصي لرئيس السلطة التي هو من المراقبين عليها. تعدى الانبطاح وصل الى المجاهرة بقلة الحياء.

kuwaiti_cool يقول...

العزيز كويتي لايعه كبده

القلاف وشلته هذولي مثل مكينه البيبسي يتغير موقفهم على حسب طلب الشاري
اذا يبي شاني صارو شاني واذا يبي سفن صارو سفن

يعني ماله مله
اما المقارنه ماكانت للقلاف المقارنه تبين الفرق بين عدد
الذين ناصرو سموه وطالبو بنبيها هيبه
وبين الذين انتفضوا من اجل وحدتنا الوطنيه

شكرا لمرورك